بینک ملازمت سب کے لئے (EOE)کی بنیاد پر مبنی شفاف ، میرٹ اور کسی بھی قسم کی اقربا پروری سے پاک تقرری کا نظام استعمال کرتے ہوئے موزوں، تعلیم وتجربہ ہنر اور قابلیت اوررکھنے والے امیدواران کی حتمی تقرری کرتا ہے۔
ملازمین کو ہر آن جدت اور تربیت مہیا کرنے اور ان کی پیشہ ورانہ استعداد میں مسلسل بہتری کے لئے بینک "کیرئیر ڈویلپمنٹ پروگرام"کا اجراء کرتا رہتا ہے۔ ان پروگرامز سے ہر ملازم برابری کی سطح پر استفادہ کر سکتا ہے۔ یہ پروگرام ملازمین اور ادارے کی مخصوص ضروریات کو مد نظر رکھتے ہوئے ترتیب دیئے جاتے ہیں۔
بینک کے پاس ابہام سے پاک، وضاحت شدہ اور آسان ملازمتی قانون و قواعد موجود ہیں جو یہ یقینی بناتے ہیں کہ سٹاف کی ترقی اور تربیت کا نظام صحیح طور پر کام کرے اور سٹاف کی پرکھ ،دوران ملازمت مختلف جگہوں پر تقرری عہدے میں ترقی اور استعفیٰ کی صورت میں متبادل سٹاف کا انتظام وغیرہ ہر آن قابل عمل حالت میں رہے۔
بینک مشاہرہ کا ایسا نظام وضع کرتا ہے جس کے تحت ادارے کے ملازمین کوکسی بھی ابہام سے پاک قواعد کی روشنی میں اور مروجہ مارکیٹ ریٹ کے مطابق معقول مشاہرہ دیا جاتا ہے ۔